A
A
A
2024.04.30
龍飛鳳舞賀新春
Latest press 最新消息
活動花絮
一年一度嘅越齡春茗「龍飛鳳舞賀新春」喺上個月13號圓滿舉行！當日除咗有東華三院社會服務科區域主任(港島東)黃詠澬女士，聯同K-POP、印度舞、Ukulele、乒乓球、踢躂舞導師嚟到同一眾越齡人共度新春佳節外，我哋更加邀請到港九街坊婦女會丁毓珠幼稚園嘅學生，以及香港家庭福利會婦女及家庭成長中心嘅女sing義工隊擔任表演嘉賓。
講到表演又點少得我哋越齡人呢？我哋嘅K-POP學員、印度舞學員、Ukulele學員、以及UPBEAT成員都帶嚟多個精彩嘅表演項目，現場氣氛十分熱烈呀！除咗表演，當日亦有進行越齡友幫手嘉許儀式，表揚一眾喺過去一年一直協助中心不同服務及營運嘅友幫手，全靠各位友幫手，越齡先能夠繼續為大家提供各式各樣嘅服務！
再次感謝各個表演團體以及友幫手們，我哋一齊俾啲掌聲佢哋👏👏
