A
A
A
2026.01.27
東華三院「奔向共融」－香港賽馬會特殊馬拉松2026
Latest press 最新消息
活動花絮
我哋一班越齡YO義工將會以伴跑員身份，與東華三院方樹泉日間活動中心暨宿舍會員，一齊參與東華三院「奔向共融」—香港賽馬會特殊馬拉松2026！🏃♂️❤️🏃♀️
上個禮拜，我哋就同宿舍嘅學員拍住上，一齊完成咗3公里嘅共融跑。沿途互相打氣、講吓笑、跟住自己嘅節奏一齊向前。每一步都係陪伴，每一程都係互相看見。年齡同能力嘅差距，喺呢條跑道上完全消失，剩低嘅係一樣嘅笑容同汗水💦。
好開心今次可以參與呢個一年一度嘅賽事，讓我哋有機會用行動實踐共融。越齡一直相信，無論任何年齡、背景，每個人都可以係彼此嘅力量。如果你都想參加唔同嘅義工體驗，歡迎加入我哋！期待下次同你一齊「奔向共融」！
